طنطا تقرر فرض ضرائب على غرز الأكل البيتى بيتك

 

 صرح فلان الفلانى رئيس مصلحة الضرائب الطنطاويه أنه تقرر فرض ضرائب قدرها 99% على غرز الأكل البيتى حسب نوع الأكل وطعمه وتغليفه وعلى الدليفرى اللى بيوصله وعلى بواب العماره وعلى الشخص اللى هيطفحه.

وتزيد الضريبه حسب المنافسه وأى واحده منفسنه هتلقح على واحده تانيه وتجيب سيرتها هيتفرض عليها ضعف الضريبه.

وتتزايد الضريبه على أى غرزه  تتعامل مع الفول بلوجرز بتوع محرمش من بره وجوسى من جوه.

ويتم تحصيل رسوم على كل أوردر قدره ربع الأوردر لصالح موظفى مصلحة الضرائب.

- وتقرر فرض 79% على الحلويات كالتالى :

59% على الحلويات الشرقيه والجنوبيه الشرقيه

69% على الحلويات الغربيه 

119% على جميع حلويات تشيز أند براونيز نظراً لأنها بتتباع بأسعار الساحل الشمالى وبتكسب رزم رزم

93% على كيكات داليا المنشاوى

 - وتقرر فرض رسوم 53% على الأكل الصحى المصحصح وخصوصاً على هيلثى اند ويلثى بتاعت رانيا المدنى اللى هيتم فرض عليها ضريبه قدرها 79% والسبب "مزاجنا كده"

 - أما بالنسبه للفطير المشلشل والأكل الفلاحى فتقرر فرض ضريبه مقدارها ولا حاجه باستثناء محل "مورق" حيث تم فرض ضريبه يوميه قدرها فطيرتين كبار وزلعة عسل وجالوص قشطه

 

أما باقى الأكل البيتى فتقرر فرض ضريبه 33% 

جميع الضرائب قابله للتعديل حسب مزاجنا.